Kolumbia i thotë po diversitetit gjinor në kartat e identitetit
Në një hap të madh për të drejtat gjinore, Kolumbia tani u lejon qytetarëve të zgjedhin “trans” ose “jobinar” në dokumentet zyrtare të identifikimit personal. Nga kartat kombëtare të identitetit deri te pasaportat, njerëzit më në fund mund të mbajnë dokumente që përputhen me atë që janë, jo me atë që shteti dikur këmbëngulte që ishin. Është një ndryshim praktik, por edhe një ndryshim thellësisht njerëzor. Për shumë kolumbianë queer, kjo është hera e parë që qeveria e tyre ka thënë, qartë dhe publikisht: ne ju shohim.
Ndryshimi vjen pas shumë viteve të aktivizmit, organizimit të komunitetit dhe betejave ligjore të udhëhequra nga persona trans dhe jobinar, të cilët ishin të lodhur duke u fshirë nga zgjedhja e opsioneve kategorike. Gjykata Kushtetuese vendosi se detyrimi i të gjithëve të identifikohen si “M” ose “F” shkelte dinjitetin dhe barazinë. Regjistri kombëtar vazhdoi, duke përditësuar procedurat në mënyrë që njerëzit të mund të ndryshonin shënuesin e tyre pa vlerësime të gjata psikiatrike ose kërkesa poshtëruese. Edhe pasaportat tani përfshijnë një opsion “X”, duke hapur dyer jo vetëm brenda vendit, por edhe përtej kufijve.
Për komunitetet LGBTQIA+ në Amerikën Latine, ky është më shumë sesa një përditësim administrativ. Është siguri në portat e aeroportit. Janë më pak momente pyetjesh, shikimesh ose shtyrjesh për t’ua shpjeguar ekzistencën tënde të huajve. Është liria për të lëvizur nëpër botë si vetvetja.
Megjithatë, siç na kujtojnë aktivistët në Kolumbi, puna është larg të qenit e përfunduar. Ndryshimi i dokumenteve nuk e zhbën menjëherë diskriminimin, varfërinë ose pengesat në kujdesin shëndetësor. Jo të gjithë mund ta tejkalojnë lehtësisht burokracinë, dhe personat trans, veçanërisht ata/ato që diskriminohen mbi baza racore, migrantët ose ata/ato që jetojnë në kushte të pasigurta – ende përballen me përjashtim. Por ky hap ka rëndësi. Ai vendos një bazë ligjore mbi të cilën komunitetet mund të ndërtojnë. Ai u tregon kolumbianëve të rinj queer se e ardhmja e tyre mund të duket ndryshe nga e kaluara e tyre.
Në një botë ku të drejtat LGBTQIA+ janë nën sulm në kaq shumë vende, ky moment ndihet si një rikujtim: dukshmëria është e fuqishme dhe ndryshimi është i mundur. Kur një shtet zgjedh përfshirjen, ai nuk përditëson vetëm dokumentet, ai zgjeron përkatësinë. Dhe përkatësia është ajo që meritojnë të gjitha komunitetet tona.
Lexoje artikullin origjinal këtu.
