Elton John publikoi fondin e koronavirusit prej 1 milion dollarë për të ndihmuar në mbrojtjen e personave me HIV
Elton John ka filluar një fond urgjent prej 1 milion dollarësh për të ndihmuar komunitetin HIV gjatë pandemisë së koronavirusit. Legjenda e “Rocketman” u fut në Twitter për të njoftuar nismën e ngritur nga organizata jofitimprurëse e tij, Fondacioni Elton John AIDS.
“Jam shumë i kënaqur të njoftoj që fondacioni im po fillon një fond të ri urgjence për COVID-19 sot,” tha muzikanti dhe filantrop i njohur në një video. “Për gati 30 vjet, fondacioni im ka dhënë përparësi ndaj njerëzve më të prekshëm ndaj HIV për t’i dhënë fund epidemisë së SIDA-s, dhe ne jemi të përkushtuar për këtë gjatë krizës COVID-19,” tha ai.
Fondacioni Elton John AIDS ka mbështetur hulumtimin, edukimin dhe parandalimin e HIV-it, ndërsa ofron shërbime për njerëzit HIV-pozitiv, që nga themelimi në 1992. Pandemia e koronavirusit ka bërë shpërndarjen e ilaçeve për HIV, testimin dhe trajtimin parandalues ”jo aq të thjeshtë sa ishte disa javë më parë”, tha babai 73-vjeçar i dy fëmijëve – që është diçka që ai shpreson të trajtojë me dhurimin tij bujar.
“Fondi ynë i ri i urgjencës COVID-19 do të ndihmojë partnerët e vijës së parë që të përgatiten dhe t’i përgjigjen pandemisë dhe efektet e saj në parandalimin dhe kujdesin për HIV për komunitetet më të margjinalizuara,” tha ai. “Ne duhet ta vazhdojmë vrullin ose përndryshe rezultatet mund të jenë katastrofike për njerëzit që jetojnë me HIV dhe sëmundje të tjera infektive,” paralajmëroi ai. “Ne jemi me ju, ne po mendojmë për ju, nuk do të lëmë askënd pas.”
“Tani dhe gjithmonë,” theksoi ai në një cicërimë të mëvonshme, “Unë jam i përkushtuar që të mos e lë prapa askënd të prekur nga HIV,” shkroi ai. “Vizitoni http://ejaf.org/covid19 për më shumë informacion. Shumë dashuri për të gjithë partnerët, dhuruesve të fondeve, mbështetësit, punonjësit e linjës së frontit dhe anëtarët e komunitetit tonë të Fondacionit gjatë kësaj kohe.”
Superylli dhe fituesi i shumëfishtë i çmimeve Grammy ndihmoi në mbledhjen e 10 milion dollarëve duke nisur koncertin iHeart Living Room Concert for America.