Irani ekzekuton brutalisht burrin gej mbi akuzat për “sodomi”

Një burrë gej është ekzekutuar në Iran nën një akuzë “sodomie”, sipas grupeve të të drejtave të njeriut, në shembullin e fundit të brutalitetit anti-LGBTQ+ në vendin e Lindjes së Mesme, raporton PinkNews.

Agjencia e Lajmeve për Aktivistët e të Drejtave të Njeriut (HRANA) raportoi se 10 të burgosur dyshohet se u ekzekutuan në burgun Rajai Shahr, në qytetin verior të Karaj, më 29 qershor.

Midis tyre ishte Iman Safari-rad, për të cilin agjencia e lajmeve dhe aktivistët pretendojnë se ka të ngjarë të dënohet me vdekje për shkak të qenurit gej.

Jerusalem Post raportoi se HRANA kishte verifikuar identitetin e Safari-rad. Ndërsa Kazem Moussavi, një aktivist i të drejtave të njeriut nga Irani i mërguar në Gjermani, pohoi në Twitter se Safari-rad u vra në kryeqytetin e provincës Alborz për “sodomi”.

Ai u vra së bashku me Mehdi Khalgoldi, i cili u përball me akuzat për “përdhunim” – një akuzë e përdorur shpesh si pretekst nga zyrtarët për të ekzekutuar lirisht njerëzit queer, thuhet në një raport të Departamentit të Shtetit të SHBA.

Zyrtarët iranianë ende nuk e kanë konfirmuar vdekjen.

Personat LGBTQ+ në Iran përballen me dhunë të pandërprerë thjesht sepse ekzistojnë. Aktiviteti seksual i të njëjtit seks është rreptësisht i ndaluar sipas kodit penal të republikës, duke parashikuar një dënim maksimal me vdekje.

Peter Tatchell, një aktivist britanik LGBTQ+, tha për The Jerusalem Post: “Përsëri një burrë tjetër është ekzekutuar me akuzën e sodomisë, të cilën ai mund ta ketë kryer ose jo, me ose pa pëlqim.

“Ajo që është e sigurt është se ky njeri pothuajse me siguri nuk ka pasur një gjykim të drejtë nën sistemin famëkeq të njëanshëm gjyqësor iranian. Të pandehurve u mohohet në mënyrë rutinore qasja tek avokatët dhe dëshmitarët e mbrojtjes.”

Tatchell përshkroi se si sistemi gjyqësor i Iranit mund të shohë personat gej të gjykohen në seanca të nxituara, shpesh duke pasur një avokat vetëm disa minuta para fillimit të gjyqit. Madje, shpeshherë nuk nevojiten prova thelbësore nga gjykata për të dhënë një dënim.

Kqyre edhe qito

“Bota duhet t’i kushtojë marrëdhëniet me Iranin në respektimin e ligjit ndërkombëtar të të drejtave të njeriut nga Teherani, duke përfshirë ndalimin e përdorimit të dënimit me vdekje në të gjitha rrethanat dhe respektimin e të drejtave të njeriut të LGBTQ+, grave, jobesimtarëve dhe pakicave fetare dhe etnike.”, shtoi Tatchell.

Ekzekutimi i supozuar i Safari-rad është vetëm i fundit në një trashëgimi të tmerrshme të dhunës ndaj iranianëve LGBTQ+.

Për dekada, të akuzuarve dhe të dënuarve për aktivitete të të njëjtit seks u është prerë koka, janë vrarë me gurë, janë hedhur nga shkëmbinjtë dhe janë amputuar. Një 17-vjeçare – e akuzuar për “përdhunim” – u var për seks me një djalë adoleshent në vitin 2016.

Lajmi është publikuar nga PinkNews dhe është përkthyer në shqip nga Dylberizm.

© 2020 Dylberizm - Të gjitha të drejtat e rezervuara

Scroll To Top