Tu e lexu qitash
17 libra që trajtojnë validimin aromantik dhe aseksual

17 libra që trajtojnë validimin aromantik dhe aseksual

Si një person aseksual, nuk u rrita me shumë media që pasqyronin këtë pjesë të identitetit tim. Televizioni dhe filmi injoronin vazhdimisht, ose më keq, fshinin zërat aseksualë, kështu që e vetmja hapësirë për t’ju kthyer ishin librat. Për fat të mirë sot fusha e letërsisë aspec që trajtojnë tema për persona aromantik (personat të cilët kanë pak ose hiç ndjenja romantike) dhe persona aseksual (persona të cilët kanë pak ose hiç epsh seksual,) po rritet vazhdimisht, duke i dhënë  brezit të ri një reflektim të vërtetë. Nga tekstet akademike që shpjegojnë çka ka brenda dhe jashtë spektrit aseksual, te romancat e rrëmbyeshme, te aventurat spekulative në Tokë ose në hapësirë, kjo listë nxjerr në pah disa nga librat më të mirë dhe të shumëllojshëm që paraqesin personazhe aromantikë dhe aseksualë në mënyrë gjithëpërfshirëse!


Radio Silence
nga Alice Oseman

Frances, studentja më e mirë ka disa sekrete. Së pari, edhe pse e paraqet veten si një akademike pa kuptim, ajo ka një dashuri të thellë dhe të pamatshme për seritë e  preferuara të podkasteve pop-fiction, Universe City. Dhe nën dy, ajo ka mësuar rastësisht identitetin e krijuesit anonim të Universe City, i cili rezulton të jetë një nxënës i qetë në shkollën e saj me emrin Aled. Në librin “Radio pa Zhurmë” Alice Oseman e ka definuar veten si një nga autorët e mi të preferuar të të gjitha kohërave. Përveç shfaqjes së një grupi personazhesh të pabesueshëm queer (përfshirë personazhet kryesorë demiseksualë!), libri përmban një nga marrëdhëniet platonike më prekëse që kam lexuar ndonjëherë. Nëse nuk e keni lexuar ende këtë libër, ju lutemi lexojeni.

Gender Queer 
Nga Maia Kobabe

Krijuar nga Maia Kobabe, Gjinia Queer është historia e jetës reale e udhëtimit të Kobabe për eksporimin e gjinisë, identitetin dhe kreativitetin. Që në moshë të re, Kobabe është ndjerë gjithmonë ndryshe, pavarësisht nëse bëhet fjalë për marrëdhënie apo përshtatje me pritshmëritë e gjinisë së caktuar. Megjithatë, duke mësuar dhe duke u rritur nga librat dhe mediet queer, Kobabe ngadalë fillon të gjejë hapësirë për atë se kush është, duke gjetur shtigje që lëvizin përtej çdo binari të kufizuar. Gjinia Queer është  rrëfim prekës për vetë eksplorimin, duke na përkujtuar të jemi të kuptueshëm me veten, ndërsa mësojmë për identitetet jo binare, aseksuale dhe aromantike.


The Invisible Orientation: An Introduction to Asexuality 
Nga Julie Sondra Decker

Nëse jeni duke kërkuar për një tekst hyrës për aseksualitetin, atëherë ky libër është për ty. Shkruar nga shkrimtarja e nominuar për çmimin Lambda, Julie Sondra Decker, “Orientimi i padukshëm: Hyrje për Aseksualitetin” është një udhëzues fillestar për konceptin e aseksualitetit, duke definuar se çka është, çka nuk është dhe çfarë të bëni kur ju ose një person i dashur kupton se është aseksual. Libri i Decker është një ndihmë edukative e përshtatshme, duke përdorur përvojat e saj të jetës reale si një person aromantik/aseksual, si dhe referenca nga ato të aseksualëve të tjerë, për të përshkruar nuancat e një orientimi (ende) kryesisht të padukshëm.

Ace: What Asexuality Reveals About Desire, Society, and the Meaning of Sex
nga  Angela Chen

Libri i Angela Chen: “Çfarë Zbulon Aseksualiteti për Dëshirën, Shoqërinë dhe Kuptimin e seksit”, është një publikim i vonuar. E frymëzuar nga përvojat e saj si një grua aseksuale në një botë alloseksuale (term për persona të cilët nuk janë pjesë e spektrumit aseksual), gazetarja Angela Chen ka shkruar një studim të thellë mbi aseksualitetin, duke komentuar se si shoqëria e koncepton identitetin rreth tërheqjes dhe dëshirës seksuale dhe çfarë do të thotë për ata, identiteti i të cilëve bie jashtë “normës.” Duke kombinuar kërkimin shkencor, kritikën kulturore dhe intervistat personale me një sërë zërash aseksualë, libri i Chen thekson gjithashtu diversitetin e komunitetit aseksual, duke theksuar se si identiteti aseksual ndërthuret me gjininë, racën dhe paaftësinë.

How to be Ace: A Memoir of Growing Up Asexual
Nga Rebecca Burgess

Po kërkoni më shumë literaturë grafike rreth aseksualitetit? Provoni të lexoni librin e shkruar dhe ilustruar nga artistja e Mbretërisë së Bashkuar; “Si të jesh aseksual, një kujtim i rritjes si një personi aseksual”. Ky libër është një meditim i zhytur në mendime në rrugëtimin e tyre duke zbuluar se si ata ishin aseksualë në një kulturë të fiksuar pas seksit, duke pasur miqësinë dhe romancën gjatë rrugës. Përveç ofrimit të përfaqësimit të bukur aseksual, libri i Burgess përmban përshkrime të sinqerta lidhur me shëndetin mendor, duke diskutuar ankthin dhe çrregullimin obsesiv kompulsiv (OCD) në një dritë të qartë dhe personale.

The Cybernetic Tea Shop 
Nga Meredith Katz

Kur teknikja aseksuale Clara Gutierrez hyn në dyqanin e çajit të Salit, ajo nuk priste të gjente një robot të ndjeshëm që drejtonte vendin…ose një interesim të ri dashurie. Nëse dikush mund të krahasojë leximin e librave me pijet, atëherë leximi i librit të Katz-it është i krahasueshëm me pirjen e një filxhani të ngrohtë çaji, një pije që do t’ju lërë të ngrohtë dhe të kënaqur. Në një botë ku aseksualët shpesh krahasohen me robotë, të konsideruar si “të pandjeshëm” ose “të ftohtë” për shkak se nuk përjetojnë tërheqje seksuale, është një gëzim të lexosh një libër që ka në krye dy personazhe autonome, njëri prej të cilëve është aseksual krenar, duke gjetur lidhje të vërtetë në një botë të vetmuar. Një novelë e këndshme dhe e qetë për dashurinë, çajin dhe robotët, që me siguri do të rrëmbejë zemrën e çdo personi aseksual që është entuziast për të lexuar libra të tillë..

Tash Hearts Tolstoy 
Nga Kathryn Ormsbee

Një entuziaste e letërsisë si dhe krijuesja e serive amatore Natasha “Tash” Zelenka nuk priste që ndonjë nga përmbajtjet e saj dixhitale të bënte bujë në internet. Por kur seritë e saja ‘’Familjet e Palumtura’’, bazuar në një përshtatje të Anna Karenina nga  Leo Tolstoit, tërhoqi 40,000 përshkrues dhe një nominim për serinë më të mirë në internet, ajo befasi e gjen veten në qendër të vëmendjes . Si një personazh aseksual heteroromantik, ky libër ofron një përfaqësim shumë të nevojshëm, duke paraqitur njohuri të zgjuara në botën e përmbajtjes së internetit, hapësirave digjitale dhe aseksualitetit përgjatë leximit. Nëse jeni duke kërkuar për një lexim simpatik të shkruar nga një autor demiseksual, atëherë ky libër është i duhuri për ta lexuar.


Jughead
Nga Chip Zdarsky

Si një nga personazhet me ikonë në librat komik amerikan Archie, Jughead Jones veproi si zëri i poshtër i arsyes për Archie Andrews të lënduar nga dashuria, duke preferuar hamburgerët në vend të romancës. Kur shkrimtari i librave komik Chip Zdarsky njoftoi në vitin 2016 se do të shkruante një seri në të cilën Jughead ishte  aromantik dhe aseksual, mijëra brohoritën për të marrë më në fund përfaqësimin në librat komik që u mungonte shumë. Pavarësisht përpjekjeve të mediave kryesore për të fshirë identitetin e Jughead-it, seritë e Zdarsky-it ofrojnë një nga versionet më të mira të Jughead, një mik i kujdesshëm me një oreks të egër dhe një gjuhë të mprehtë për shaka.

Loveless
Nga Alice Oseman

Nuk jam i sigurt nëse po bëj hile duke përfshirë një libër tjetër nga re njëjta autore, por megjithatë më duhej ta përfshija. “Pa dashuri” është një histori klasike e moshës madhore, në të cilën Georgia Warr nis kolegjin me synimin për të gjetur llojin e romancës që ka dashur gjithmonë në komeditë e saj të preferuara romantike. Megjithatë, kur realiteti i rrëzon këto pritshmëri, Georgia duhet dalëngadalë të pajtohet me faktin se ajo që pritet të dëshirojë mund të mos jetë në të vërtetë ajo që dëshiron aspak. Oseman është mjeshtër në krijimin e personazheve, duke krijuar ekipe të personazheve queer, duke përfshirë Georgian aseksuale/aromantike.

All the Wrong Places
Nga Ann Gallagher

“Në të gjitha vendet e gabuara”, Kur skateboardisti Brennan Cross ndahet për herë të tretë, ai fillon të pyesë veten nëse mungesa e interesimit në dhomë të gjumit ka të bëjë me të. Pra, kur ai futet në një dyqan seksi duke kërkuar përgjigje, ai nuk priste të gjente Zafir Hamady, shitësin që ishte aseksual. Kur Zafir prezanton idenë se Brennan mund të jetë aseksual, papritmas idetë e këtij atleti për dashurinë, seksin dhe romancën kthehen përmbys. Ndonëse normalisht nuk jam për kopertina librash me modelë në kopertinë, më pëlqeu vërtet ky libër, i cili ishte një romancë e ëmbël dhe e qetë mes dy personazheve burra aseksualë (një gjë e rrallë në romane fiktive).

Elatsoe
Nga Darcie Little Badger

Shtatëmbëdhjetë vjeçarja Elatsoe (Ellie) është rritur gjithmonë me fantazma, qofshin këto fantazma të kafshëve shtëpiake të dashura, si Springer-i i saj anglez Spaniel Kirby, apo shpirtrat njerëzorë përreth saj. Megjithatë, kur një kushëri i dashur vritet në mënyrë misterioze, Elatsoe duhet të vërë në provë aftësitë e saj për të sjellë drejtësi për familjen dhe komunitetin e saj. Duke shfaqur një lider aseksual aromantik Lipan Apache dhe shkruar nga një autor aseksual Lipan Apache, Elatsoe është një shtesë e nevojshme në sferën e romaneve fiktive spekulative dhe letërsisë për të rinjtë.

Every Heart a Doorway
Nga Seanan McGuire

Kqyre edhe qito

Çfarë ndodh kur ju dëbojnë nga Oz ose Bota e Çudirave? Në shkollën unike me konvikt, Eleanor West’s Home for Wayward Children, një shtëpi e fshehur larg botës së jashtme, një grup të rinjsh të rritur i bëjnë vetes pikërisht këtë pyetje. Ashtu si kolegët e saj studentë, Nancy Whitman është një mërgimtare nga një botë magjike, një njeri që kaloi përmes një portali magjik në një botë që dikur e donte vetëm për t’u shkëputur prej saj dhe për t’u kthyer në botën e zakonshme. Si një person aseksual në kërkim të përfaqësimit, e gjeta veten duke hasur këtë titull në pothuajse çdo listë që lexova, dhe pasi e kam lexuar këtë libër, e kuptova pse. Sean McGuire ka krijuar një botë intriguese me një kryesim të paharrueshëm, duke shtruar pyetjen se çfarë është “e vërtetë” dhe çfarë është “fantazi”.

Tarnished Are the Stars
Nga Rosiee Thorr

Përshkruar si një lojë fantastiko-shkencore me aktorë queer, një libër aventurash për të rinjtë LGBTQ+ që zhvillohet në hapësirën e jashtme për të rinjtë LGBTQ+ që zhvillohet në kufijtë e jashtëm të hapësirës. Duke shfaqur një sërë personazhesh queer, duke përfshirë personin aseksual Nathaniel, Thorr gërsheton një botë imagjinare spekulative ku ata që konsiderohen të jashtëm gjejnë familje në njëri-tjetrin. Në një intervistë, autorja deklaroi se e ka shkruar këtë libër “për versionin tim adoleshent që nuk e dinte se mund të ishte aromantik, aseksual dhe gjithashtu queer dhe nëse vetëm kjo nuk ju bën të dëshironi ta lexoni këtë libër, nuk e di se çfarë!

The Last 8
Nga Laura Pohl

Kur tetë adoleshentë mbeten vetëm në planetin Tokë pas një sulmi nga alienët, papritmas ata duhet të kuptojnë se si të mbijetojnë në një botë armiqësore pa e shkatërruar njëri-tjetrin gjatë procesit. Në mesin e tetë të fundit është Clover Martinez, një vajzë  meksikane-amerikane aromantike, tendencat e të mbijetuarit të së cilës para pushtimit të alienëve hyjnë në përdorim në këtë botë të re distopike. Duke shfaqur një tjetër ansambël queer nga një autor i spektrit aseksual/aromantik, 8 të fundit është padyshim një histori që ia vlen të lexohet.

Let’s Talk About Love
Nga Claire Kann

Gjithçka që Alice dëshiron është pak dashuri. Nuk duket shumë për të kërkuar, apo jo? Si një grua aseksuale biromantike me ngjyrë, ajo e di se gjetja e dashurisë mund të jetë pak më e ndërlikuar. Pasi ndahet me të dashurën e saj për shkak të dallimeve për të cilat nuk pajtoheshin, Alice zotohet të betohet për dashurinë dhe të gjitha përpjekjet romantike…d.m.th., derisa takon Takumin, një punonjëse të bukur në bibliotekën ku ajo punon. Mes shkollave, miqve dhe gjetjes së djalit të ëndrrave të saj, Alice ka një verë stresuese përpara saj. “Të  flasim për dashurinë” është  një lexim i zhytur në mendime rreth sprovave të takimeve romantike kur janë aseksualë, dhe nevojës së shumë prej nesh për të pasur pakënaqësi të vogla në jetën tonë.

Hazel’s Theory of Evolution
Nga Lisa Jenn Bigelow

Po kërkoni një lexim shumë të mirënjohur të klasave të mesme nëpër shkolla që paraqet një protagonist të ri, të ndershëm dhe bindës aseksual/aromantik? Mos shikoni më larg se Teoria e Evolucionit e Hazelit. Romani fitues i çmimit Lambda i Lisa Jenn Bigelow përqendrohet te 13-vjeçarja Hazel Brownlee-wellington teksa kalon në vitin e fundit të shkollës së mesme dhe disa ndryshime të mëdha në jetën e saj familjare dhe personale. Si protagoniste, Hazel është e vendosur, e butë dhe e zgjuar, një vajzë që ndihet më rehat me kafshët sesa me njerëzit dhe udhëtimi i saj drejt të mësuarit për jetën dhe dashurinë do ta bëjë të dashur zemrën e çdo lexuesi.

The Sound of Stars
Nga Alechia Dow

Shtatëmbëdhjetë vjeçarja Janelle “Ellie” Baker është një nga shumë qeniet njerëzore të bllokuara në qytetin e Nju Jorkut pas një pushtimi armiqësor nga një popullsi aliene e njohur si Ilori. E ndaluar nga pushtimi i alienëve që të ketë ose konsumoj art njerëzor të çdo lloji, nga muzika te letërsia, Ellie fsheh një bibliotekë sekrete në banesën e saj, duke ruajtur fjalët që i do pavarësisht rrezikut për jetën e saj. Megjithatë, kur një alien i njohur si M0Rr1S zbulon bibliotekën e paligjshme të Ellie, aksionet janë edhe më të larta. Megjithatë, në vend që ta dorëzojë atë, M0Rr1S rezulton se lidhet me Ellie për dashurinë e tyre për artin, një dashuri që së shpejti shkon përtej muzikës dhe librave. “Tingulli i Yjeve” është një roman i fuqishëm për të rinjtë që eksploron dhunën e kolonializmit dhe fuqinë e shprehjes krijuese përmes syve imagjinarë të një pesonazhi kryesor demiseksual.

Artikulli fillimisht u publikua në Buzzfeed.com dhe u përkthye nga Dylberizm.

© 2020 Dylberizm - Të gjitha të drejtat e rezervuara

Scroll To Top