Nënat rrezikojnë arrestimin për të mbrojtur kujdesin afirmues gjinor për të rinjtë trans
Godfrey-Smith ishte një nga mbi 50 njerëz që morën pjesë muajin e kaluar në një protestë kundër planeve të administratës Trump për të ndaluar kujdesin që afirmon gjininë për të rinjtë trans. Ata bllokuan hyrjen e selisë së Departamentit të Shëndetit dhe Shërbimeve Njerëzore për të kërkuar që qeveria të ndalonte pengimin e kujdesit mjekësor për fëmijët transgjinor.
Godfrey-Smith ishte ndër 25 protestuesit e arrestuar.
Prindërit dhe gjyshërit e të rinjve trans, së bashku me terapistët dhe ofruesit e kujdesit mjekësor, janë lodhur pas viteve të ndalimeve të kujdesit shëndetësor dhe retorikës armiqësore ndaj transgjinorëve. Këto ndjenja po i shtyjnë ata të bëjnë gjëra që nuk i kishin bërë më parë – si për shembull të planifikojnë të arrestohen gjatë një proteste.
Godfrey-Smith dhe bashkëshorti i saj kishin vendosur së bashku që pjesëmarrja në mosbindje civile ia vlente rrezikimin e arrestimit të saj.
Protesta u organizua nga Gender Liberation Movement, një grup që avokon për autonominë trupore dhe të drejtat e trans. Grupi i drejtuar nga vullnetarët, është angazhuar në mënyrë aktive në reagim ndaj administratës së dytë të Trump: duke marshuar kundër Project 2025, planit konservator të politikave nga Heritage Foundation; duke u përballur me arrestime përmes një qëndrimi në tualet në Capitol Hill dhe duke protestuar jashtë Gjykatës Supreme.
Raquel Willis, bashkëthemeluese e grupit, tha se familjet dhe aleatët e të rinjve trans po duan gjithnjë e më shumë të angazhohen dhe të kundërshtojnë administratën Trump. Ata nuk duan të ndihen të pafuqishëm, tha ajo.
Qeveria dëshiron të ndalojë fondet e Medicaid dhe Medicare për spitalet që ofrojnë kujdes që afirmon gjininë për të mitur. Kjo është një pengesë serioze, pasi spitalet mbështeten në këto programe federale për të mbuluar shpenzimet e tyre. Administrata gjithashtu dëshiron të parandalojë që spitalet të përdorin rimbursimin federal të Medicaid për të mbuluar trajtimet që afirmojnë gjininë. Së bashku, këto rregullore do të ndalonin praktikën në të gjithë vendin.
Përgjigjur kësaj, 21 shtete dhe Washington, D.C., kanë ngritur padi, duke i kërkuar gjykatës të bllokojë zbatimin e këtyre politikave. Shtetet argumentojnë se qeveria po kufizon aftësinë e tyre për të administruar programet Medicaid sipas ligjeve vendore.
Deri sa të ketë një vendim gjykate – ose 30 ditë pas një seance më 19 mars, cilado që të vijë më parë – qeveria nuk mund të ndërmarrë veprime ndaj këtyre spitaleve.
Prindërit e fëmijëve trans argumentojnë se pa ndërhyrje mjekësore në moshë të re, fëmijët e tyre do të rriteshin me trupa që ndryshojnë në mënyra të padëshiruara. Ata shqetësohen se pa trajtim, puberteti i kombinuar me disforinë gjinore mund të çojë në vetëvrasje.
Studime të shumta kanë gjetur se qasja në trajtim mjekësor ul normat e vetëvrasjes te të rinjtë trans. Dhe diysforia gjinore -, shqetësimi i thellëqë përjetojnë personat trans kur trupi i tyre nuk përputhet me identitetin e tyre gjinor – , është një gjendje mjekësore e njohur dhe si diagnozë klinike.
Familjet e fëmijëve trans kanë frikë nga ajo që mund të ndodhë nëse nuk mund të marrin më trajtim për këtë diagnozë. Kjo frikë po i shtyn të veprojnë.
