Kartat e identitetit në Holandë së shpejti do ta heqin gjininë, njofton Ministrja e Edukimit dhe Kulturës

Ingrid van Engelshoven, Ministre e Arsimit dhe Kulturës në Holandë, tha se kategoritë gjinore do të hiqen nga kartat e identitetit ‘duke filluar nga 2024/2025’

Gjinia nuk do të përmendet më në kartat e identitetit në Holandë në vitet e ardhshme sepse është informacion “i panevojshëm”, tha ministrja e Arsimit dhe Kulturës në vend.

Në një letër drejtuar parlamentit nga AFP të shtunën, Ingrid van Engelshoven tha se kategoritë gjinore do të hiqen nga kartat e identitetit “duke filluar nga 2024/2025” njofton liveMint.

Van Engelshoven tha që ajo synon të “kufizojë ku është e mundur regjistrimin e panevojshëm të gjinisë” edhe nëse një informacion i tillë do të vazhdojë të përfshihet në pasaporta në përputhje me rregulloret e Bashkimit Evropian.

“Holanda nuk do të jetë shteti i parë anëtar i BE-së, kartat e identitetit të të cilave heqin gjininë. Karta gjermane e identitetit nuk e përfshin atë,” shkroi ministrja.

Njerëzit duhet të jenë në gjendje të “krijojnë identitetin e tyre dhe të jetojnë në liri dhe siguri të plotë”, tha van Engelshoven.

Organizatat holandeze për të drejtat LGBTI e përshëndetën këtë veprim.

“Është një lajm i shkëlqyeshëm për njerëzit që hasin probleme me këto lloj kategorish në kartat e tyre të identitetit në baza ditore,” thanë ata në një deklaratë të përbashkët.

“Dhe është gjithashtu një lajm i mirë për këdo që beson se përmbajtja e të brendshmeve tuaja nuk ka të bëjë asgjë me qeverinë ose autoritetet”.

Holanda ndërmori një hap drejt njohjes së një seksi të tretë në 2018 kur individët interseksualë holandezë fituan të drejtën të mos e përcaktojnë veten si mashkull apo femër në certifikatën e tyre të lindjes.