Festivali historik “Koovagam” në Indi
![](https://i0.wp.com/www.dylberizm.com/wp-content/uploads/2020/06/8-3.jpg?fit=900%2C597&ssl=1)
Fotografja dhe regjisorja Jess Kohl ka fotografuar komunitetin trans gjatë festivalit historik “Koovagam” i cili zgjat për 18 ditë në Indi. “Jeta është e bukur. Jeta ime si transgjinore është e bukur pasi jam krenare që jam e tillë, e mbi të gjitha jam krenare për identitetin tim gjinor” shprehet Aaliyah Kahn, e cila ka nisur tranzicionin gjinor 10 vite më parë.
![](https://www.dylberizm.com/wp-content/uploads/2020/06/5-4-678x1024.jpg)
Transgjinorja 28 vjeçare do të konkurrojë në konkursin e bukurisë të Miss Koovagam, konkursi më i madh i bukurisë për komunitetin trans që zhvillohet në Indi. Ky konkurs bukurie është vetëm një aspekt i festivalit të Koovagam në Indi, një manifestim i komunitetit transgjinor, që zhvillohet përgjatë 18 ditëve. .
![](https://www.dylberizm.com/wp-content/uploads/2020/06/2-15-678x1024.jpg)
Por nga e ka origjinën emri i festivalit, Koovagam?
Legjenda indiane thotë se perëndia Krishna u shndërrua nga mashkull në femër, duke u quajtur Mohini, për të joshur Koothandavar e për tu martuar me këtë të fundit. Pak pas martesës, Koothandavar u ekzekutua, duke e braktisur Mohinin që vajtoi për humbjen e bashkëshortit, duke u transformuar në formën mashkullore sërish.
![](https://www.dylberizm.com/wp-content/uploads/2020/06/6-5-678x1024.jpg)
Tani është më e lehtë për ta kuptuar dhe shpjeguar historinë e fluiditetit gjinor dhe tranzicionit që është me rëndësi në komunitetin trans në Indi- saqë besohet se personat trans kanë prejardhjen prej Koothandavar. “Është një ndërlidhje midis besimit, gjinisë dhe seksualitetit” shprehet e mahnitur fotografja Jess Kohl.
![](https://www.dylberizm.com/wp-content/uploads/2020/06/3-7-678x1024.jpg)