Njerëzit më të përvuajtur me depresion e fshehin atë më së miri

F – 21 vjeç

Kam qenë fëmijë 5 a 6 vjeç kur kam fillu me pas ndjenja “të çuditshme” për femra. Kur filloj puberteti edhe fillova të mësoj për edukatën seksuale, mendoja qe isha e vetmja që kisha ndjenja për të njëjtën gjini.

Kishe unë kisha një sekret që duhet ta ruajë me çdo kusht. Meqë krejt njerëzit rreth meje ishin homofobikë, e unë një Tomboy, unë fillova të flisja si ata e kur isha në biseda me homofobë, që janë shumica e njerëzve në Kosovë, mundohesha me i fsheh karakterisitka e mia ashiqare gej. Tek kah mosha 17-vjeçare ia kam pranu vetës që jam bi, sepse kam vuajtur prej bullizmit edhe nuk doja që të ketë “edhe diçka tjetër që nuk shkon me mu”. Tash kur po i shoh sa shumë është rritë komuniteti, e sa shumë janë out and proud po më bohet zemra mal.

Ama nuk e kuptoj qysh kanë mund me e gjetë njëri-tjetrin. Krejt nashta mendojnë që biseksualët kanë ma shumë shanse në dating life, ama o’ krejt e kundërta. Po m’doket më ka kalu koha kur është dashtë me i përjetu gjërat bazike me njerëz/partner.

Qishtu unë vuaj edhe prej depresionit e nuk besoj që kam me dal ndonjëherë prej dollapit, se edhe familja jeme nuk janë mikpritës të idesë që ndonjë i tyne është gej. Kam menduar shpesh për vetëvrasje e edhe e kam provuar edhe e kam lënduar veten shpesh. Sa për shoqëri, s’kam pasë kurrë e as nuk kam prej fëmijërisë dikë më të cilin kam mund të shprehem. Krejt bashkëmoshatarët kanë qenë të ndarë ne “kllika” e më kanë pas shënjestër të përqeshjes e sulmeve.

Kjo është edhe një arsye pse nuk kam mund të gjejë ndonjë partner a shoqni. Nashta këto kohët e fundit kam humbur shpresat edhe ma shumë, se zakonisht familja e njerëzit që më njohin më përshkruajnë si të dashur e të ngrohtë.. Por, njerëzit më të përvuajtur me depresion e fshehin atë më së miri.

Çka dua të them është nëse e shihni, e vëreni, e ndjeni që dikush i afërt apo i njofshëm i juaji vuan nga këto mendime, rrini pranë tyre e mundohuni me i nxjerrë prej këtij ankthi, se nashta për ata ka ende shpresë. Në Shqiptari e nënvlerësojna vlerën e shëndetit mendor e më parë i besojmë një mentaliteti të stërkalbur se sa ankesave të njerëzve.

Unë hala kam shumë shumë shumë dashuri për me ia dhanë ndonjë femre a ndonjë mashkulli, por më parë duhet diqysh me e gjet së paku veç pak me ia dhanë vetes ose dikush me ma dhanë mu.

Kqyre edhe qito


E urrej faktin që i vetmi opsion tjetër në mendjem time është t’i jap fund mizorisë meqë kurrgjë tjetër në jetën time nuk po ec siç duhet. 

Kqyri komentet (0)

Leje ni koment

Email adresa jote nuk publikohet.

© 2020 Dylberizm - Të gjitha të drejtat e rezervuara

Scroll To Top