Deputeti hungarez anti-LGBT jep dorëheqje pasi u kap në një orgji me 20 burra tjerë
Një politikan ultra-konservator hungarez në partinë anti-LGBT të vendit ka dhënë dorëheqje pasi u kap nga policia në një orgji seksi homoseksual në Belgjikë.
Jozsef Szajer, i cili bashkë-themeloi partinë në pushtet Fidesz të Kryeministrit Victor Orban, u përpoq të shmangë një sulm policor të nejës në Bruksel duke kërcyer nga dritarja.
Kur policia kapi politikanin, duart e tij ishin “të përgjakura” dhe ai ishte “ndoshta i plagosur”.
Festa e seksit, në Grand Place, u ndoq nga të paktën 20 persona, kryesisht meshkuj. Aty u përfshinë dy diplomatë nga BE.
Numri i të pranishmëve shkeli kufizimet e vendit ndaj COVID-19, të cilat lejojnë një person brenda, dhe katër jashtë.
Policia u thirr në ndërtesë pasi fqinjët ishin ankuar për zhurmë dhe shkelje të mundshme të kufizimeve ndaj koronavirusit.
Politikani ka qenë një nga figurat më përçarëse në politikën hungareze që nga viti 2010, kur ndihmoi për të shkruar kushtetutën e diskutueshme të vendit.
Kushtetuta theksoi që martesa do të bëhej midis burrave dhe grave – në atë që u interpretua si një shtytje prapa kundër fushatës për barazinë martesore.
Kohët e fundit partia propozoi që çiftet e të njëjtit seks të ndalohen të birësojnë fëmijë.
“Policia u alarmua nga fqinjët të cilët u ankuan për zhurmë dhe shkelje të mundshme të masave në lidhje me pandeminë COVID-19,” thanë Prokurorët Publikë të Belgjikës në një deklaratë. “Në apartament, policia gjeti rreth njëzet persona. Identiteti i të gjithë të pranishmëve u kontrollua. ”
Sipas deklaratës, dy nga njerëzit e pranishëm u lutën për imunitet diplomatik.
“Një kalimtar raportoi në polici se kishte parë një burrë që ikte nga dritarja; ai ishte në gjendje të identifikonte burrin. Duart e burrit ishin të përgjakura. Është e mundur që ai mund të jetë plagosur gjatë ikjes. Në çantën e shpinës u gjetën lëndë narkotike. Burri nuk ishte në gjendje të paraqiste ndonjë dokument identiteti. Ai u shoqërua në vendbanimin e tij, ku identifikoi veten si S. J. (Jozsef Szajer) me anë të një pasaporte diplomatike. ”
Z. Szajer dha dorëheqjen papritmas të dielën, duke lëshuar një deklaratë në lidhje me tendosjen e jetës politike. Ai nuk i komentoi shkrimet e mediave belge për faktin se neja ishte një orgji gjithë-mashkullore në zemër të lagjes me bare gej të qytetit.
Ai tha, “ata që janë në fushën e betejës duhet të jenë në gjendje për të luftuar”.
“Më vjen keq për shkeljen e kufizimeve të COVID – ishte e papërgjegjshme nga ana ime. Unë jam gati të paguaj gjobën që vjen. Me dorëheqjen time të dielën unë tërhoqa pasojat politike dhe personale. ”
Ai gjithashtu mohoi të kishte drogë duke thënë se nuk e dinte se si përfundoi t’i mbante ato.
“Nuk kam përdorur drogë. Unë i ofrova policisë që të bëja një provë të menjëhershme, por ata nuk e bënë atë. “Policia tha se u gjet një pilulë ekstazi. Nuk është e imja, nuk e di kush dhe si e vendosi. Unë bëra një deklaratë në polici për këtë. ”
Ai gjithashtu i kërkoi gruas së tij, një avokate dhe gjykatëse e profilit të lartë, dhe vajzës së tij, që ta falnin.
“Unë i kërkoj falje familjes sime, kolegëve të mi, votuesve të mi. Unë u kërkoj atyre të vlerësojnë hapin tim të gabuar në një sfond të 30 viteve të punës së përkushtuar dhe të vështirë. Hapi i gabuar është rreptësisht personal. Unë jam ai që mbaj përgjegjësinë për të. ”