Tu e lexu qitash
Senatori amerikan anti-LGBTQ+ u zbulua të ishte një drag queen në të kaluarën

Senatori amerikan anti-LGBTQ+ u zbulua të ishte një drag queen në të kaluarën

George Santos, mbështetës i ligjeve anti-LGBTQ+ në Sh.B.A, merrte pjesë në drag shows si drag queen me emrin “Kitara” në Brazil. Ndërkohë, ai ka lidhje të ngushta me të djathtën ekstreme.

Për më shumë se një muaj, shumë dëshmi kanë dalur se kongresmeni i sapozgjedhur amerikan George Santos është një gënjeshtar i vazhdueshëm. Nga gjoja të qenit një volejbollist i shkëlqyer në një kolegj që nuk e ndoqi kurrë deri te gjyshërit që ikën nga Hitleri.

Të mërkurën, gazetarja e pavarur Marisa Kabas raportoi se si një adoleshent që jetonte në Brazil, Santos pëlqente të bënte drag dhe mori pjesë në të paktën një drag show me emrin “Kitara Ravache”.

Ndryshe nga dosja shumë e madhe e gënjeshtrave të Santos, nuk ka absolutisht asgjë të keqe të vishesh apo të shprehesh sido që e sheh të arsyeshme. Problemi, natyrisht, është se Santos me sa duket nuk mendon se njerëzve të tjerë duhet t’u ofrohen këto të drejta. Santos ka përqafuar politikat e krahut të djathtë që shumë aktivistë LGBTQ+ i kanë cilësuar si diskriminuese.

Për shembull, ligji në Florida “Don’t say gay”, për të cilin shprehte mbështetje në një video në Facebook të prillit 2022, duke thënë: “Si një burrë gej, unë mbroj me krenari ligjin për të mos u mësuar fëmijëve tanë për seksin apo orientimin seksual.”

Ligji i ndalon mësuesit e klasave të diskutojnë identitetin gjinor dhe orientimin seksual në çfarëdo mënyre dhe ka bërë që edukatorët të paralajmërohen të mos veshin rroba me ylber mbi to, të largojnë ngjitësit “hapësirë e sigurt” dhe fotot e bashkëshortëve të tyre nga i njëjti seks nga frika se mos do të ndiqen penalisht.

Në javët e tij të para në Kongres, Santos është rreshtuar gjithashtu me të djathtën ekstreme, anëtarët e së cilës kanë djallëzuar performancat drag dhe kanë prezantuar legjislacion të tmerrshëm anti-trans.

Kqyre edhe qito

Para kësaj, Santos punoi si zëdhënës i Carl Paladino, një zyrtar i cili ka një histori të komenteve raciste dhe homofobike.

Një ankesë zyrtare në Komitetin e Etikës së Dhomës së Përfaqësuesve, e paraqitur nga dy demokratë të Nju Jorkut, pretendon se Santos ka shkelur ligjet federale në zbulimet e tij financiare.

Pavarësisht nga të gjitha akuzat, Santos siguroi vende në dy komitete të Kongresit me mbështetjen e udhëheqjes republikane të Dhomës së Përfaqësuesve.

© 2020 Dylberizm - Të gjitha të drejtat e rezervuara

Scroll To Top