Në Shkup u marshua për dukshmërinë e transgjinorëve
![](https://i0.wp.com/www.dylberizm.com/wp-content/uploads/2024/03/434423946_831674318998348_5809485908409851072_n.jpg?fit=1600%2C1200&ssl=1)
Nisma civile për mbrojtjen dhe promovimin e të drejtave të personave transgjinorë, TransFormA, në prag të 31 marsit – Ditës Ndërkombëtare për Dukshmërinë e Personave Transgjinorë, ka organizuar dje me 29 mars një marsh për dukshmërinë e personave transgjinorë para ndërtesës së Qeverisë maqedonase në Shkup.
“TransFormA së bashku me personat transgjinorë, aktivistët dhe mbështetësit e tyre, i bashkohen për herë të gjashtë dhe marshimit të pestë drejt aksionit global për solidaritet me transgjinorët, me synim uljen e dhunës dhe diskriminimit me të cilat përballet çdo ditë ky grup i margjinalizuar.” thuhet në njoftimin e lëshuar nga organizatorët.
![](https://www.dylberizm.com/wp-content/uploads/2024/03/433880273_831674288998351_5809234069646346644_n-1024x768.jpg)
“Dukshmëria është thelbësore në luftën për të drejtat e personave transgjinorë, veçanërisht në një shoqëri konservatore dhe mjaft të mbyllur si ajo maqedonase. Dukshmëria është një sfidë e vërtetë ndaj stereotipeve, hedh poshtë idetë e gabuara dhe kontribuon që njerëzit transgjinorë të pranohen si njerëz. Marshi i pestë radhazi për dukshmërinë e personave trans në Shkup është faktikisht dëshmi se transgjinorët refuzojnë të fshihen apo heshtin dhe vazhdojnë betejën e tyre për t’u pranuar si anëtarë të integruar të shoqërisë sonë” thuhet në njoftimin e TransFormA.
Lila Miliq, përfaqësuese e TransFormA-s dhe aktiviste e shquar maqedonase nw lidhje me atw se çfarë do të thotë dukshmëria trans dhe pse është e rëndësishme të pranohet, pwr Sloboden Pecat tha se “Dukshmëria që njerëzit trans po shfaqen dhe po prezantohen para qytetarëve dhe qeverisë, ne jemi këtu, ne ekzistojmë.” tha ajo. “Sfida më e madhe për mua ishte njohja ligjore e gjinisë dhe ndryshimi i shënjuesit gjinor në letërnjoftimin tim. Në një vend të vogël si i yni, është shumë e rëndësishme edhe ai numër i vogël personave trans të kenë një moment kur shoqëria të marrë vesh se ata janë këtu dhe jetojnë njëkohësisht me të tjerët” tha Miliq.
Një tjetër pjesëmarrëse u shpres se “Imazhi i personave trans po perceptohet në mënyrë të gabuar përmes fushatave antigjinore dhe lëvizjeve antidemokratike, të cilat i portretizojnë ata si të frikshëm. Në sistemin arsimor kemi nevojë për programe serioze për parandalimin e bullizmit, të cilat do të trajtojnë identitetin gjinor dhe diversitetin seksual dhe gjinor në këtë kontekst” njoftoi Sloboden Pecat.
![](https://www.dylberizm.com/wp-content/uploads/2024/03/434505739_831693835663063_8183409997071371188_n-1024x768.jpg)
Në pyetjen se çfarë do t’i rekomandonit brezit të ri dhe të vjetër që po lufton për të drejtat transgjinore, një pjesëmarrës u shpreh “Të ngrenë zërin sepse kanë të drejtë të kërkojnë atë që është e tyre”.
Ka tre vjet që Qeveria e Maqedonisë së Veriut ka tradhtuar premtimin e saj për të përmirësuar të drejtat e personave transgjinorë dhe për të përmbushur premtimin zgjedhor për “një shoqëri për të gjithë”, thanë grupet e aktivistëve pasi qeveria tërhoqi vitin e kaluar një projektligj që lejon një ndryshim ligjor të identitetit gjinor përmes një procedure të thjeshtuar noteriale.
Ndryshimet në Ligjin për Regjistrin e Lindjeve, duke i lejuar personat transgjinorë të ndryshojnë më lehtë dhe pa shqyrtim identitetin gjinor, janë duke u përgatitur prej disa vitesh.
Pas disa padive që humbi Maqedonia e Veriut para Gjykatës Evropiane për të Drejtat e Njeriut, më shumë se dhjetë persona kanë ndryshuar tashmë statusin e tyre gjinor në vend, tha Natasha Boskova, nga OJQ-ja për të drejtat e njeriut me qendër në Shkup, Margini [Margjinat].
“Beteja jonë është politike, këtu jemi edhe pa ligj!” u tha ndër të tjera në marshin e mbajtur të premtën në Shkup.
![](https://www.dylberizm.com/wp-content/uploads/2024/03/433942486_831693858996394_7113476608146222357_n-1024x768.jpg)