17 maji – Dita Ndërkombëtare Kundër Homofobisë, Bifobisë & Transfobisë

Sot, më 17 maj, botërisht shënohet Dita Ndërkombëtare Kundër Homofobisë, Bifobisë & Transfobisë (IDAHOBIT – International Day against Homophobia, Biphobia & Transphobia).

Kjo ditë u formua në vitin 2004 për të tërhequr vëmendjen e politikëbërësve, liderëve të opinionit, lëvizjeve shoqërore, publikut dhe medieve; për dhunën, diskriminimin dhe situatën alarmante me të cilën ballafaqohen personat lezbike, gejë, biseksualë, transgjinorë, interseks dhe të gjithë ata që nuk konformohen me shumicën e normave të identitetit seksual dhe gjinor.

IDAHOBIT festohet në më shumë se 130 vende të botës, përfshirë këtu 37 vende ku aktet midis të njëjtit seks janë të paligjshme, me 1600 ngjarje të raportuara nga 1280 organizata në 2014-tën.

Këto mobilizime bashkojnë miliona njerëz në mbështetje të njohjes së të drejtave të njeriut për të gjithë, pavarësisht nga orientimi seksual, identiteti ose shprehja gjinore.

Data e 17 majit është zgjedhur specifikisht për të përkujtuar vendimin e Organizatës Botërore të Shëndetësisë në vitin 1990, për të shfuqizuar homoseksualitetin nga lista e çrregullimeve mendor.


Këtë vit, tema e IDAHOBIT është e lidhur fort me kohët e trazuara nëpër të cilat jemi duke kaluar.

“Së bashku: Rezistojmë, Mbështesim, Shërojmë” na kujton vlerën e rimarrjes së të drejtave tona dhe përballjen me lesbofobinë, homofobinë, bifobinë, transfobinë dhe interfobinë, duke qëndruar në solidaritet përtej kufijve dhe duke vlerësuar ekzistencën tonë.

Këtu janë edhe disa pyetje që mund t’i bëjmë vetes sot.

Çfarë do të thotë ‘rezistencë’ për komunitetet LGBTQ+?


Ne i rezistojmë homofobisë dhe transfobisë të institucionalizuar e të sponsorizuar nga shteti dhe shoqëria. Ne kërkojmë të drejtat tona. Ne marrim masa dhe krijojmë ndryshime drejt një bote ku drejtësia dhe barazia globale sigurohen dhe vendosen, pa marrë parasysh orientimet tona seksuale, identitetet gjinore, shprehjet gjinore dhe karakteristikat e seksit. ‘Rezistencë’ do të thotë të ndërtojmë një botë ku të gjithë janë vërtet të lirë dhe të barabartë.

Pse është e domosdoshme mbështetja e njëri-tjetrit?


Rrëfimet dominante margjinalizojnë njerëzit LGBTIQ+, veçanërisht ata që e gjejnë veten në kryqëzimet e formave të ndryshme të shtypjes, padrejtësisë dhe diskriminimit. Kështu, ne kemi nevojë për komunitete, organizata dhe nisma LGBTIQ+ që të ndërtojnë solidaritet me njëri-tjetrin dhe të lidhin aleanca kur avokojnë për ndryshim.

Kqyre edhe qito

Me mbështetjen e njëra-tjetrës, nismat e pavarura dhe OJQ-të që punojnë në terren, ne u drejtohemi të tjerëve që kërkojnë ndryshim drejt një bote më gjithëpërfshirëse dhe më të respektueshme. Kjo na kujton se nuk jemi vetëm. Ne shkojmë përtej mbijetesës dhe lulëzojmë së bashku në bashkësi.

Si shërohemi dhe nga çfarë?


Për shkak të sistemeve diskriminuese, shumë prej nesh tashmë kanë kaluar vështirësi ekonomike, probleme strehimi dhe sfida në qasjen në kujdesin shëndetësor ndër të tjera. Kriza e vazhdueshme e pandemisë ka ekspozuar dhe thelluar sfidat ekzistuese për njerëzit LGBTIQ+, duke lënë shumë që luftojnë për të mbijetuar në një botë që është bërë edhe më e pabarabartë dhe e dhunshme. Dhe aty ku ligjet janë tashmë një shkak i pabarazisë, gjërat vetëm janë përkeqësuar.

Duke parë të drejtat tona themelore të njeriut të shkelura, duke dëshmuar krime të urrejtjes dhe të përjetuarit e zhgënjimit, frikës dhe pikëllimit që vijnë me to ka të ngjarë të krijojnë plagë, duke na bërë të shqetësuar dhe të dëshpëruar. Për të u shëruar, ne duhet t’i adresojmë plagët tona, qofshin ato personale apo kolektive. Për të u shëruar, ne kemi nevojë për kujdes dhe shpresë të komunitetit.

Edhe nëse mund të jetë e vështirë të gjesh arsye për të qenë shpresëdhënës ndonjëherë, mos harroni se nuk jeni vetëm. Lëvizja queer përbëhet nga një larmi e madhe, e bukur. Nuk flet nga një zë i vetëm. Mban zëra të shumtë nga kudo në botë.

Gëzuar IDAHOBIT!

Kqyri komentet (0)

Leje ni koment

Email adresa jote nuk publikohet.

© 2020 Dylberizm - Të gjitha të drejtat e rezervuara

Scroll To Top