Sot Arlinda, nesër kush?! – qindra pjesëmarrës në protestën kundër femicidit në Prishtinë
Qindra qytetarë kanë protestu sot prej orës 16:00 në qendër të Prishtinës. Protestueset dhe protestuesit marshuan prej sheshit Zahir Pajaziti deri te Qeveria, duke blloku hyrjet e Gjykatës Kushtetuese, Policisë dhe Qeverisë. Përpara institucioneve që kanë dështu me i mbrojtë jetët e grave, u mbajtën fjalime dhe u lanë mesazhe në mure.
Kolektivi Feminist ka njoftu se protestat do të vazhdojnë edhe në ditët në vijim, në po të njëjtin vend dhe orar, te sheshi Zahir Pajaziti në ora 16:00.
